في
يوم الشوفة ... أهم شيء الأخلاااااااااااااااااااااااااااق
الحلقة 12 من يوميات معلمة صابرة
الحلقة 12 من يوميات معلمة صابرة
الزمان : الخميس الساعة 10 صباحاً قبل عشر سنين ..
المكان : غرفتها اللي هي أصلا فراش بالأرض تلفه لي قامت من النوووووووم
فتحت عيونها وشعرت بفرحة وبرغبة كبيرة في التمغط ( حركة يسويها اللي يقوم من النوم لتمديد العضلات )
سألت نفسها ليش هي فرحانة ؟؟
جاوبت بينها وبين نفسها ( اجابات متعددة ) يمكن لأنه الخميس اجازة ومافي دوام وحصص ؟؟!! الجواب لا
طيب يمكن عشان ما عندها تحضير الأسبوع كله اختبارات ؟؟!! برضو الجواب لا
اممممممممممممممم اهاااااااااا تذكرت اليوم جاييني عريس ؟!! ونقزت من فراشها من قووووة الفرحة والنشاط الذي دب في جسمها .... وتذكرت ان لازم لها مشوار للكوفيرة عشان تفرك خشتها وتسوي لها تنظيف بثرة أقصد بشرة ..
وخرجت تدور على اخوها يوديها وهي تصيح بصوت كأن حنجرتها صايرة مكرفون ياعللللللللللللللللللللللللللللللي علللللللللللللة !!
جاء اخوها من غرفته متوهق وخرعااااااااااااااااان ( يعني يشعر بالخوف ) وحاط يده على صدره ويقول : وش فيك صابرة ؟؟؟
ردت عليه : مابي شي بس ابي ألحق اروح مشواري ألحين .. يادوب يمديني العصر اخلص ..
رد عليها وقد انتفخ وجهه وصاير لونه مووووووووووف ( طبعاً مافي أمل للشباب السعودي يصير اللون وردي ) : عمىىىىىىىىىىىى كل ذا عشان ضيوف اليوم أقول اهجدي ترينه بيشوفك ويقضب الباب ويمكن تجيه روعة زي روعتي قبل شوي من ذي الخشة بسم الله .. ويصير فقعي وجهي ان تزوجت والا حتى حلمت بالزواج
ردت عليه صابرة بكل ثقة : أنت أصلاً ما تفهم في الجمال ولا عندك ذووووق جمالي نوع خااااااااص لا يفهمه أشكالك اللي حده في الزين هايدي .. أنا أنا ااا...
قطع كلامها : اقول يازينك ساكتة يالله لك الحمد ( كلمة تنقال اذا شيء ماعجبك ) بس حبيت أجهزك للصدمة .. يالله اخلصي اوديك عسى الله يفكنا منك .. ويصير نصيب مع ان الأمل ضعيف .!!
نظرت له صابرة بنظرات كلها كبرياء وشموخ وثقة لا نهاية لها قالت لنفسها هذا ( تقصد بها عريس الغفلة ) اذا ما انهبل من جمالي ما أكون صابرة !!
راحت وركبت ونيت اخوها علي وقالت يا قدمك انت وسيارتك هذه بكرة اركب لكزس والا كامري ( على بالها انه كشخة تسمع اخوانها يفحطون به))
انتهت من الكوفيرة وقد تمت العمليات الإصلاحية بنجاح منقطع النظير ..
وجت البيت ولقيت الضيوف في انتظارها ..
الموهم لبست وتكشخت وحاولت تخفف من المكياج على بالها ما تبي تغشه .. شافها اخوها علي وقام يصارخ عليها : وش فيك تمسحين وجهك ..
قالت وهي تتدلل وبصوت كله دلع وخنج ( يعني صاير الصوت يخرج من خشمها ) : ياعلي ما ابي اغشه واخدعه لازم يشوف جمالي الحقيقي..
رد علي وهي بيفطس من الضحك : يرحم والديك غشيه بس فكينا .. ترين انتي ماخذه كف ( يعني قلم بالمصري ) في نفسك يعني من ضحك عليك قالك انك حلوة ؟؟!!
ردت عليه باحتقار مفتعل : اوووووووووف وبعدين معك ؟؟..
قالها علي : يالله العريس يحتري دخولك الميمون ..
قامت لتتوجه لمكان اللقاء.... فجأة شعرت بقلبها انقبض بقوة وشعرت بخرعة قوية لدرجة انها صارت تمشي وهي تسحب رجولها سحب وتحولت مشيتها لمشية عرجاء ... وقالت في نفسها الآلآلآلآلآلآلآلآلآلآلآلآن ( حصحص الحق ) <<<< كلمة لغة عربية فصحى
وتمشي وتهذري مع نفسها : ياصابرة هالحين ماحدن يسمعك لا علي أخوك ولا المهابيل اخوانه ياصابرة اعقلي ترا كلام علي صدق بيشرد العريس ياصابرة احفظي ماء وجهك وقولي ما ابي بكمل ماجستير دكتوراة محو امية أي شيء الموهم ولا الفشايل !! ياصابرة اعقلي ... ردت على نفسها لا بجررررررررب ويصير خير ..
دخلت المجلس شافته شعرت ان قلبها بيوقف .. ووندبت في نفسها وقالت : ياويلي ويلاااااااااة هذا لو يحط كحل ويحلق الشنب أنا أخطبه من حلااااااااته ... يمة وش بسوي الحين هو أكيد بيشرد ويقضب الباب ... جلست على كرسي قريب منه وقامت تغمض عيونها ماتبي الفشلة أكثر ..
وساد الصمت وقلبها يضرب ضرب تسمعه اذونها ... وهي مغمضة عيونها .. فجأة سمعت صوت هادي يقولها : صابرة ليه مغمضة عيونك ؟؟
فتحت عيونها بقوة ونظرت اليه لترى أجمل ابتسامة في الحياة .. لا شعوريا بتبتسم رداً على ابتسامته وتذكرت التقويم بضروسها وبحركة من يدها على فمها تحولت إلى لطمة على فمها لتلحق براطمها قبل أن تكشف عن أشين ضروس
رد بسرعة مشفقا عليها من اللطمة : ترفقي ياصابرة ..
فجأة شعرت صابرة أنها بتذوب وتحول الذوبان إلى شعور قوي بالنعااااااس والنوم ( قمة الانفعالات النفسية ) أجل هو كماااااااااااااااان رومنصي وانا وين اروووووووووح لا لا أكيد رحت وطي ( تهذ ري في نفسها )
ردت عليه فجأة وبدون مقدمات خلاص مافيها تتحمل اكثر .. وهي تنظر له بنظرات ناعسة ( اعتقد انها انحولت في تلك اللحظه ) : وش رأيك فيني ؟؟
وهذا السؤال سرى في المجلس بكهرباء كهربت أخوها عليَ لدرجة انه فرصع فيها (أي فتح عينه بقوة ) اعلاناً منه بقرب استشهادها على يدي أخوها ..
وهي ماهمها في أحد لأن شعورها تلك اللحظة أنها في مهمة انتحارية
تبسم العريس ليرد الرد الذي زلزل صابرة وفهمت منه كل ما يرغب ذاك العريس في قوله :
المهم الأخلاق ..
هنا شعرت صابرة بغضب مع رغبة في البكااااااااااااااااء لا النحيب من قوة الفشلة
واستدارت بقوة
لتخرج بسرعة البرق وأثناء خروجها رمقت بطرف عيونها الصغيرونه نظرة شماته من عيون
أخوها علي .. لتجري مسرعة وتعلن بصوت معلمة في ساحة المدرسة أنا ماني موافقة ..
دخلت غرفتها وقالت وهي تناظر في فراشها على الأرض وشعرت كأن فراشها يتشمت بها ويقولها مافي مني فكة وترد صابرة عليه : هااااااااااااااااااا لا تشمت راح أغيرك بغرفة نوووووم قريباً ..
فهل ياترى تنجح مساعي صابرة في البحث عن عريس الأحلام والا انها بتهذري مع فراشها كثير والنتيجة ؟؟ معروووفة ؟؟
دخلت غرفتها وقالت وهي تناظر في فراشها على الأرض وشعرت كأن فراشها يتشمت بها ويقولها مافي مني فكة وترد صابرة عليه : هااااااااااااااااااا لا تشمت راح أغيرك بغرفة نوووووم قريباً ..
فهل ياترى تنجح مساعي صابرة في البحث عن عريس الأحلام والا انها بتهذري مع فراشها كثير والنتيجة ؟؟ معروووفة ؟؟